Navigation on Casa

Content navigation

You are here: Home / Impressum / Infurmaziuns giuridicas

Infurmaziuns giuridicas

Copyright

Ils dretgs d'autur ed ulteriurs dretgs ha il secretariat general da la CDEP. Cun chargiar cuntegns (texts, maletgs, documents) giu da questa pagina d'internet na vegnan transferids nagins dretgs. Igl è permess da citar or da documents ed or da paginas d'internet, sche las indicaziuns da las funtaunas èn correctas. Per ulteriuras utilisaziuns cumplessivas da documents e da texts da questa pagina d'internet sto vegnir dumandà il consentiment tar il secretariat general da la CDEP.

Protecziun da datas

Tar l'access a questa pagina d'internet na vegnan arcunadas naginas datas persunalas. Il server d'internet registrescha mo datas d'utilisaziun nunpersunalas cun l'intent d'optimar la pagina d'internet. Las evaluaziuns vegnan fatgas cun Matomo. Matomo è in tool per l'analisa-web.
 
Las datas persunalas che vegnan inditgadas voluntarmain per il contact (e-mail, formular da contact, abunaments) vegnan duvradas mo per l'intent declerà (abunaments) resp. per dar resposta. Questas datas na vegnan betg dadas vinavant a terzas persunas ed er betg duvradas per auters intents.

Sco bleras autras paginas d'internet dovra er questa pagina d'internet uschenumnads "cookies". Cookies èn pitschnas datotecas da text che vegnan transmessas d'in server sin Voss disc dir. A maun da las infurmaziuns ch'èn cuntegnidas en ils cookies pudain nus As facilitar la navigaziun e pussibilitar ina visualisaziun correcta da nossas paginas d'internet. Sur la configuraziun da Voss browser pudais Vus da tut temp deactivar l'utilisaziun da cookies. Resguardai per plaschair che singulas funcziuns da nossas paginas d'internet na funcziuneschan eventualmain betg, sche Vus avais deactivà l'utilisaziun da cookies.

Exclusiun da responsabladad

Ils cuntegns da questa pagina d'internet vegnan actualisads ed examinads permanentamain. Tuttina na po l'actualitad, la cumplettadad e la correctadad betg vegnir garantida. Per donns che avessan da resultar cun utilisar ils cuntegns da questa pagina d'internet na surpiglia il secretariat general da la CDEP nagina responsabladad. La responsabladad per ils cuntegns da las paginas d'internet ch'èn colliadas tras links han las purschidras ed ils purschiders da quellas paginas.

Social media

Dapi il 2023 è la CDEP preschenta sin LinkedIn. Cun in bun mix da contribuziuns da texts e da fotografias, d'istorgias, d'events e d'occurrenzas d'interpresas, d'enquistas, da contribuziuns da video e natiralmain er d'inserats da plazzas vulain nus proveder e divertir la glieud da professiun en ils conturns da la furmaziun, e quai cun cuntegns captivants e prezius.

Sur quest chanal prendain nus er gugent encunter critica, laud e propostas da tut gener.  Nus As supplitgain da resguardar che nus stizzain texts, fotografias, videos e commentaris che na correspundan betg a las reglas uffizialas da la community da LinkedIn.

En spezial na tolerain nus naginas contribuziuns

  • ch'èn maldeschentas, obscenas u pornograficas, smanatschantas, discriminantas, rassisticas, offendentas, che mainan en errur u ch'èn illegalas,
  • che instigan da duvrar violenza,
  • che cuntrafan als dretgs d'autur, als dretgs persunals u ad auters dretgs da terzas persunas u
  • che cuntegnan reclama per products da terzas persunas.

Tgi che cuntrafa gravantamain u repetidamain a questas reglas, vegn exclus da l'ulteriura utilisaziun.

Uschenavant che nossa pagina d'internet renviescha a social media, vegn quai fatg mo tras links, dentant betg per exempel cun exequir programs (plugins). Cun avrir questa pagina d'internet u cun in clic sin ils logos da social media na vegnan pia transmessas naginas datas persunalas a las social media.

Further informations

Footer